بسیج روحانیون امام خمینی میموریل ٹرسٹ کے اہتمام سے اس سال ایام دہیہ فجر کے دوران ضلع کرگل میں مسابقہ حسن قرائت قرآن کا مقابلہ بین دار القرآن مکاتبس زیر نگرانی امام خمینی میموریل ٹرسٹ ضلع بھر کے مکاتبس کے درمیان رکھا گیا جس کے لئے اس سال بسیج روحانیوں نے تمام مکاتبس کو آٹھ زونوں میں تقسیم کیا تھا اور ہر زون میں آٹھ سے ۱۰ مکتب برائے مقابلہ حصہ لے رہے تھے ان مقابلوں میں ضلع بھر کے ۷۰ سے زائد مکاتبس نے حصہ لیا اور ہر زون سے تین قاریان کو مرکزی مقابلے کے لئے چنا گیا۔
آج موخہ ۹ جنوری ۲۰۱۸ کو مرکزی جامع مسجد کرگل میں ان مقابلوں کا آخری فائنل مقابلہ رکھا گیا جس میں بلاک صطح پر کامیاب ہوئے قاریان حضرات نے حصہ لیاجن میں دارالقرآن شہید رجائی شیلکچے،دارالقرآن ابن سینا باغ خمینی، دارالقرآن شہید مدرس اقچمل، دارالقرآ ن امام محمد باقر تمیل،دارالقرآن امام حسین تھرمسہ،دارالقرآن امام زمان مھدی آباد چھسکور،دارالقرآن امام محمد صادق لوچم،دارالقرآن سجادیہ بروخاص،دارالقرآن امام حسین منجی گنڈ، دارالقرآن موسی بنی جعفر ستکچے، دارالقرآن امام مھدی کنور،دارالقرآن التظرشقتھنگ ٹمبس، بدارالقرآن بقہتہ اللہ اباگرونگ ٹمبس،دارالقرآن زینبیہ تھنگ سانکو،دارالقرآن امام خمینی براکو،دارالقرآن شہید بھشتی پٹو، بدارالقرآن بقییہتہ اللہ مییتا سورو، دارالقرآن سجادیہ پرکاچک، دارالقرآن بابلحوائج بیامہ پرکاچک،دارالقرآن امام کاظم پیزبوچے، دارالقرآ ن سید شہدا شرگول،دارالقرآن شہید مصطفہ خمینی کھردون چکتن،دارالقرآن الزہراء سنجق اوردارالقرآن رسول اعظم حنوتھنگ نے حصہ لیا۔ اس آخری قرآنی مسابقہ میں قاریان مکاتبس کے علاوہ تمام کاتبس کے انتظامیہ نے بھی بطور مہمان شمولیت کی ، ان کے علاوہ علماء حضرات اور مومنین نے کرگل نے ان مقابلوں سے بھر پور لطف اٹھایا اور ننھے قاری حضرات کا حوصلہ بڑھایا اس محفل کی صدارت چیرمین امام خمینی میموریل ٹرسٹ حجتہ السلام شیخ محمد صادق رجائی انجام دے رہے تھے۔ مسابقہ کا آغاز قاری قرآن نو نوطاہر حسین دارلقرآن برو نے تلاوت کلام پاک سے کیا۔ ان کے بعد بسیج روحانیون کے سیکریٹری شیخ حسنین نے خطبہ استقبالیہ دیتے ہوئے فرمایا کہ ہم نے اس سال ضلع سطح پر چل رہے اس نویں مقابلے کو ایام دہیہ فجر کے دوران رکھا اور ہمیں عوام کی طرف سے بہت اچھا استقبال دیکھنے کو ملا جس کے لئے ہم تمام عوام اور مکاتبس کے انتظامیہ کا شکریہ ادا کرتے ہیں مسابقہ کے دوران بسیج روحانیوں ٹیم کے علماء حضرات اورمولانا حضرات کو بہت مشقت اٹھانی پڑھی جس کے لئے ہم ان کے مشکور ہیں اس کا سلہ انہیں خدا وند عالم عطا کرے گا ہم صرف دعا کر سکتے ہیں اور کچھ نہیں۔ انہوں نے مکاتبس کے اساتید کی سراہنا کرتے ہوئے کہا کہ آج آپ لوگوں کی محنت رنگ لارہی ہے اور آج کرگل سے عالمی سطح کے قاری نکل رہے ہیں جس کے لئے آپ تمام اساتید حضرات مبارک بادی کے مستحق ہیں۔ اس کے بعد مسابقہ شروع ہوا اور دار القرآن المنتظر شقتھنگ ٹمبس نے پہلی دار القرآن امام حسین منجی گنڈ نے دوسری اور دار القرآن شہید رجائی شیلکچے نے تیسری پوزیشن حاصل کی اور اسکے بعد صدر مجلس کے ہاتھوں تمام حصہ لے رہے قاریان کے درمیان حوصلہ افضائی کے لئے انعامات تقسیم کئے گئے یاد رہے اس مسابقہ میں پوزیشن حاصل کرنے والے قاریوں کا انعام ۱۱ فروری کوروز یوم ماللہ کے دن حسنی پارک میں نوا زا جائے گا۔آخر میں صدر مجلس چیر مین امام خمینی میموریل ٹرسٹ حجتہ السلام شیخ محمدصادق رجائی نے عوام اور قاریان کو مخاطب کرتے ہوئے فرمایا کہ یہ مسابقہ خدا کی فضل کرم اورادارہ IKMT میں کام کر رہے علماء حضرات، مومنین اور خصوصاٌ مرحوم حجتہ السلام شیخ محمد حسین زاکری کی انتھک کوششوں کا نتیجہ ہے کہ آج کرگل جیسے دور دراز علاقے سے قاری ریاستی سطح چھوڑ ملکی سطح بلکہ عالمی سطح کے مقابلوں میں حصہ لے رہے ہیں اور کامیابی حاصل کر رہے ہیں جس کے لئے آپ تمام عوام اساتید اور مکاتبس کے انتظامیہ کو ادارے کی طرف سے مبارک باد پیش کرتا ہوں اور امید رکھتا ہوں کہ آیندہ آنے والے سالوں میں کرگل سے قاری حضرات عالمی سطح کے ہر مقابلے میں حصہ لیں گے اور کرگل قوم کا نام روشن کریں گے۔انہوں نے دور دراز گاوں سے آئے حصہ لے رہے ننھے قاری حضرات اور مکاتبس کے انتظامیہ کا شکریہ ادا کیا اور کہا کہ آپ لوگوں نے شدید سردی کے باوجود تشریف لائے اور مسابقہ میں حصہ لیا ۔انہوں نے بسیج روحانیون کے ممبران کا شکریہ ادا کرتے ہوئے فرمایا کہ انہوں نے اس سردی کے موسم میں برفانی علاقوں تک رسائی کی اور اس مسابقہ کو انعقاد کرا یا جس کے لئے ادارہ ان کے مشکور اور دعا گو ہیں۔ عوام سے خطاب کرتے ہوئے شیخ صاحب نے فرمایا کہ ہمیں جگہ جگہ دار القرآن کے لئے زمین اور کمروں کی ضرورت ہے جس کے لئے عوام سامنے آئیں اور دل کھول کر مکاتبس میں چندہ دیں کمرہ تیار کرنے کیلئے مدد کریں۔ آخر میں انہوں نے دعا کے ساتھ محفل قرآن کو اختتام تک پہنچایا۔ اس مسابقہ کے نظامت کے فرائض حجتہ السلام شیخ علی عاصفی انجام دے رہے تھے۔
جنرل سیکریٹری